اسلام آباد 12 جون (اے پي پي) صدر مملكت ډاكټر عارف علوي وئيلي دي چې چائلډ لېبر په نړۍ كښې زياتېدونكې لعنت دے، په خاص توګه پرمختګ كوونكي هېوادونه او پاكستان د دې زياتېدونكي رحجان سره مخ دے، پاكستان د چائلډ لېبر د ټولو صورتونو مخ نيوي لپاره په خپلو نړيوالو ذمه وارو قائم دے. ده دا خبرې د اتوار په ورځ د چائلډ لېبر په ضد د نړيوالې ورځې په موقع په خپل پېغام كښې وكړې. صدر مملكت ووئيل چې د جون 12مه نېټه د چائلډ لېبر په ضد د نړيوالې ورځې په توګه په ټوله نړۍ كښې د چائلډ لېبر مخ نيوي په لړ كښې شعور بېدارولو لپاره لمانځلې شي. د دې ورځې لمانځلو مقصد اړوند ډلو ته د دې سماجي بدې په ضد د خبرې ترغيب او د چائلډ لېبر ختمولو د عزم پخلې كول دي. صدر مملكت ووئيل چې چې چائلډ لېبر په نړۍ كښې زياتېدونكې لعنت دے، په خاص توګه پرمختګ كوونكي هېوادونه او پاكستان د دې زياتېدونكي رحجان سره مخ دے، پاكستان د چائلډ لېبر د ټولو صورتونو مخ نيوي لپاره په خپلو نړيوالو ذمه وارو قائم دے، هر يو ماشوم د تعليم او غوره صحت حق لري، مونږ ته به دا خبره باوري كول وي چې زمونږ ماشومانو ته محفوظ ماحول وركړل شي. ده ووئيل چې د پاكستان د آئين آرټيكل 11 ﴿3﴾ د دې خبرې ضمانت وركوي چې د څوارلس كلونو نه د كم عمر كوم ماشوم په كومه كارخانه، كان يا كوم بل خطرناك كار نه شي كولې. په پاكستان كښې د چائلډ لېبر مخ نيوي لپاره په وفاقي او صوبائي كچه قوانين موجود دي او د دې عملي كولو ضرورت دے.
پاكستان د چائلډ لېبر د ټولو صورتونو مخ نيوي لپاره په خپلو نړيوالو ذمه وارو قائم دے. د صدر مملكت ډاكټر عارف علوي د چائلډ لېبر په ضد د نړيوالې ورځې په موقع پېغام
مضمون کا ماخذ : اولمپس کے خدا
متعلقہ مضامین
