اسلام آباد ۔ 11 اکتوبر (اے پی پی) بھارت دے ڈپٹی ہائی کمشنرآہلو والہ کوں ہک وار ولا دفتر خارجہ سڈ تے بھارتی فورسز ولوں کنٹرول لائن تے جنگ بندی دی بلا اشتعال خلاف ورزیاں تے شدید احتجاج ریکارڈ کروایا گیا۔ ترجمان دفتر خارجہ مطابق ڈائریکٹر جنرل (جنوبی ایشیاءو سارک) ڈاکٹر محمد فیصل بھارتی ڈپٹی ہائی کمشنر گوروف آہلو والہ کوں جمعہ کوں دفتر خارجہ طلب کیتا اتے 10اکتوبر کوں بھارتی فورسز ولوں ایل او سی تے شاردہ،نیزہ پیر، ستوال اتے باگسرسیکٹرز اچ جنگ بندی دی بلا اشتعال خلاف ورزیاں دی شدید مذمت کیتی۔ بھارتی فورسز دی بلا اشتعال فائرنگ دے نتیجے اچ 10سال دا بے گناہ بال فیضان ولد فیض میر شہید جڈاں جو 6 بالاں اتے ڈو تریمتیں سمیت 16 شہری زخمی تھئے۔ ترجمان دا آکھنڑ ہا جو بھارتی فورسز ایل او سی اتے ورکنگ باونڈری تے شہری آبادی کوں مارٹر اتے خودکار ہتھیاراں نال مسلسل نشانہ بنڑیندی پی ہے۔انہاں آکھیا جو بھار ت 2003 دے جنگ بندی معاہدے دا احترام کرے، جنگ بندی دی خلاف ورزیاں دے موجودہ اتے بئے واقعات دی تحقیقات کراوے، اپنڑیاں فورسز کوں جنگ بندی دا حقیقت اچ احترام کرنڑ دی ہدایت کرے اتے کنٹرول لائن اتے ورکنگ باونڈری تے امن برقرار رکھے۔
بھارتی ڈپٹی ہائی کمشنرآہلو والیا دی دفتر خارجہ طلبی بھارتی فورسز ولوں کنٹرول لائن تے جنگ بندی دی بلا اشتعال خلاف ورزیاں تے شدید احتجاج ریکارڈ کرایا گیا
مضمون کا ماخذ : بک آف ڈیڈ
متعلقہ مضامین
