اسلام آباد ۔ 27 جولائی (اے پی پی) صدر مملکت ڈاکٹر عارف علوی خصوصی افرادبارے سپریم کورٹ دے فیصلے دا خیرمقدم کریندے ہوئے خصوصی افرادسانگے مستند کوائف کٹھے کرنڑ تے زور ڈتے۔اپنڑے ٹویٹ اچ صدر مملکت آکھیے جو اے فیصلہ خصوصی افراد دے حقوق کیتے اہم اے،خصوصی افراددے درست کوائف اتے اعداد و شمارکٹھے کر تے انہاں کوں معاشرے اچ اہم حصہ بنڑاونڑ دے قابل بنڑایاونج سگدے۔ سپریم کورٹ اپنڑے فیصلے اچ وفاقی و صوبائی حکومتاں کوں حکم ڈتے جو خصوصی افراد کوں ہاﺅسنگ، ٹرانسپورٹ اتے ملازمتاں سودھا عوامی مقامات تے سہولیات ڈیون، خصوصی افراد کوں بھرتی کرنڑ کیتے خالی اسامیاں دے اشتہارات لائے ونجن اتے کامیاب امیدواراں دی تقرری کیتی ونجے۔
مضمون کا ماخذ : ہرکیولس اور پیگاسس
