پاکستانی قوم ہر اوکھ دا مقابلہ استقامت اتے ثابت قدمی نال کیتے ،احساس راشن پورٹل مستحقین تئیں پجنڑ اتے راشن وندنڑ دے نظام کوں شفاف بنڑیسی،وزیراعظم عمران خان
اسلام آباد ۔ 21 اپریل (اے پی پی)وزیراعظم عمران خان مستحقین دی کفالت کیتے ” احساس راشن پورٹل“ دا اجرا کر ڈتے۔ڈاکٹر ثانیہ نشتر وزیراعظم عمران خان نال اسلام ااباد اچ ہک ملاقات اچ احساس راشن پورٹل بارے وزیرِاعظم کوں بریفنگ ڈیندے ڈسائے جو موبائل اپلیکیشن دا اجرا وی آندے ہک ڈو ڈینھ اچ کر ڈتا ویسی۔وزیراعظم احساس راشن پورٹل دے اجرا دے اقدام دی تعریف کریندے آکھیا جو پاکستانی قوم ہر اوکھ دا مقابلہ استقامت اتے ثابت قدمی نال کیتے اتے ایں ویلھے قوم کمزور طبقیاں دی دل کھول تے مدد کیتی اے۔وزیراعظم عمران خان آکھیے جو احساس راشن پورٹل مستحقین تئیں پجنڑ اتے راشن ونڈنڑ دے نظام کوں شفاف بنڑیسی۔
مضمون کا ماخذ : ڈوپلا سینا
