اسلام آباد ۔ 26 جون (اے پی پی) نگران وزیراعظم جسٹس (ر) ناصر الملک وزارت سمندری امور کو ںہدایت کیتی اے جو گوادر بند ر گاہ دی ترقی متعلق مسلیں دے حل سانگے جامع اتے ٹھوس تجویزاں پیش کیتیاں ونجن ۔انہاں دے ہدایت منگل کوں وزیراعظم آفس اچ وزارت میری ٹائم افیئرز تے ایندے محکمے تے خود مختار اداریں دے امور بارے بریفنگ دی صدارت کریندے ہوئیں آکھی ۔ وفاقی وزیر میری ٹائم افیئرز عبداﷲ حسین ہارون، سیکرٹری میری ٹائم افیئرز ممتاز علی شاہ، وزیراعظم دے ایڈیشنل سیکرٹری ڈاکٹر کاظم نیاز، چیئرمین پاکستان نیشنل شپنگ کارپوریشن رضوان احمد، چیئرمین پورٹ قاسم اتھارٹی اسد رفیع چندنا، چیئرمین گوادر پورٹ اتھارٹی دوستین خان جمیدنی اتے سینئر سرکاری حکام بریفنگ اچ شرکت کیتی۔ سیکرٹری میری ٹائم افیئرز وزارت میری ٹائم افیئرز، کراچی پورٹ ٹرسٹ، پاکستان ڈیپ واٹر کنٹینر پورٹ، پورٹ قاسم اتھارٹی، گوادر پورٹ اتھارٹی اتے اپنڑی وزارت دے ماتحت بئے اداریں دی کارکردگی بارے تفصیلی بریفنگ ڈتی ۔ کراچی پورٹ ٹرسٹ دی کارکردگی دا جائزہ پیش کریندے ہوئیں اجلاس کوں ڈسایا گیا جو پی ٹی 2017-18دے دوران 4341 ملین روپے منافع کمایا۔ ایں طرح پورٹ قاسم وی 2016-17تے 2017-18دے دوران بالترتیب 4442 ملین روپے اتے 5870 ملین روپے کمائے۔ گوادر بندرگاہ اتے گوادر فری زون ایریا دی ترقی بارے بریفنگ ڈیندے ہوئیں سیکرٹری میری ٹائم افیئرز بندرگاہ دی ترقی کیلئے پیش کردہ مختلف مراعات کو ں نشابر کیتا۔ انہاں بجلی متعلق اتے پیونڑ دے صاف پانڑیں دی دستیابی بارے کجھ مسلیں دا وی ذکر کیتا جیں دی وجہ توں گوادر بندر گاہ دی تکھے ترقی اچ رکارٹ اے ۔ وزیراعظم وزارت اتے ایندے مختلف اداریں دی کاکردگی تے اطمینان دا اظہار کیتا انہاں وزارت کوں گوادر دی ترقی متعلق مسلیں دے حل تے ماہی پروری دے وسائل دے تکھے ضیان کوں روکنڑ سانگے جامع تے پکیاں تجویزاں پیش کرنڑ دی ہدایت کیتی ۔
گوادر بندرگاہ دی ترقی متعلق مسلیں دے حل سانگے جامع تے ٹھوس تجویزاں پیش کیتیاں ونجن نگران وزیراعظم جسٹس (ر) ناصر الملک دی وزارت سمندری امور کوں ہدایت
مضمون کا ماخذ : پریمیوس لوٹومینیا
متعلقہ مضامین
