وزیراعظم دی معاون خصوصی اطلاعات ونشریات ڈاکٹر فردوس عاشق اعوان دی زیر صدارت وزراءاطلاعات و ترجمان دی ویڈیو کانفرنس

وفاق ،چارے صوبیں بشمول آزاد وجموں کشمیر اتے گلگت بلتستان دے اطلاعات و نشریات دے وزراءو ترجمان دا کرونا وائرس کوں ہراونڑ کیتے سانجھیاں کاوشاں کوں مزید موثر بنڑاونڑ ، فرنٹ لائن تے خدمات سرانجام ڈیونڑ آلے صحافیاں اتے میڈیا ورکرز کوںکرونا وائرس توں بچنڑ کیتے حفاظتی کٹس دی فراہمی،کرونا وائرس بارے ڈر تے قابو پاونڑ تے کوڑیاں خبراں دے تدارک کیتے صوبائی سطح تے وختی اقدامات چاونڑ تے اتفاق ، قومی رابطہ کمیٹی دے فیصلیں کوں عام کرنڑ تے انسداد کرونا مہم کیتے وفاقی وزارت اطلاعات ونشریات 5کروڑ روپے نال خصوصی فنڈ قائم کرڈتے
اسلام آباد ۔ 28 مارچ (اے پی پی)وفاق ،چارے صوبیں بشمول آزاد وجموں کشمیر اتے گلگت بلتستان دے اطلاعات و نشریات دے وزراءو ترجمان دا کرونا وائرس کوں ہراونڑ کیتے سانجھیاں کاوشاں کوں مزید موثر بنڑاونڑ ، فرنٹ لائن تے خدمات سرانجام ڈیونڑ آلے صحافیاں اتے میڈیا ورکرز کوںکرونا وائرس توں بچنڑ کیتے حفاظتی کٹس دی فراہمی،کرونا وائرس بارے ڈر تے قابو پاونڑ تے کوڑیاں خبراں دے تدارک کیتے صوبائی سطح تے وختی اقدامات چاونڑ تے اتفاق کیتے۔قومی رابطہ کمیٹی دے فیصلیں کوں عام کرنڑ تے انسداد کرونا مہم کیتے وفاقی وزارت اطلاعات ونشریات 5کروڑ روپے دا خصوصی فنڈ قائم کرڈتے ،صوبائی وزارت اطلاعات وی ایندے اچ اپنڑاں حصہ پا سگسن ،باہرلے ملک وں آونڑ آلی امداد ، وزیراعظم ریلیف پیکیج ، این ڈی ایم اے امدادی پلان دے تحت سارے صوبیں کوں مساوی امداد دی ونڈ کیتے حکمت عملی بنڑائی ویسی ، چین دے ڈاکٹراں اتے تکنیکی ٹیم توں تربیت اتے استعدا کار ودھاونڑ دے شعبے اچ بھرپور فائدہ چاتا ویسی ،سارے صوبائی وزارت اطلاعات کرونا وائرس توں صحت یاب تھیونڑ آلے لوکاں بارے صوبائی تے مرکزی سطح دے میڈیا تئیں وختی پجاون تاں جو عوام اچ ڈر دی کیفیت کوں گھٹ کیتا ونج سگے، ساریاں صوبائی حکومتاں صحت ، سیکورٹی تے میڈیا متعلق امور کوں ہنگامی بنیاداں تے نبڑنڑ کیتے مطلوبہ فنڈز جاری کرڈتن ، چارے صوبے بشمول آزادوجموں کشمیر اتے گلگت بلتستان اچ کرونا وائرس ریلیف ٹائیگر فورس اتے اوورسیز پاکستانیاں دے فنڈز اچ بھرپور شرکت کیتے وختی طور تے اپنڑیاں اپنڑیاں تجویزاں وفاقی کوں بھیجنڑ تے متفق تھی گن، ہنڑ تئیں ترائے صحافی کرونا وائرس دے متاثر ہن جنہاں دا تعلق پنجاب توں اے ، وزیراعظم عمران خان دی ہدایت تے وفاقی وزارت اطلاعات و نشریات میڈیا دے بقایا جات یکمشت ادا کرنر تے انہاں توں صحافیاں تے میڈیا ورکرز دیاں تنخواہیں دے چیک وصولکرنڑ کیتے کجھ ڈینھ اچ رل بہن ،صوبائی اطلاعات دیاں وزارتاں وی اپنڑے اپنڑے صوبیں دے میڈیا ہاﺅسز دے بقایاجات کوں چھیکڑی شکل ڈے تے ایں مسئلے دے مستقل حل دے پاسے ویسن ۔ ہفتے کوں وزیراعظم دی معاون خصوصی اطلاعات ونشریات ڈاکٹر فردوس عاشق اعوان دی زیر صدارت وزراءاطلاعات و ترجمان دی ویڈیو کانفرنس اسلام آباد اچ منعقد تھئی ۔ پنجاب دے وزیر اطلاعات و نشریات فیاض الحسن چوہان ،سندھ دے مشیر اطلاعات و نشریات ناصر شاہ ، خیبر پختونخواہ دے مشیر اطلاعات و نشریات اجمل وزیر ، بلوچستان حکومت دے ترجمان لیاقت شاہوانی ، گلگت بلتستان دے سیکرٹری اطلاعات و نشریات فدا حسین ، آزاد وجموں کشمیر دے وزیر اطلاعات و نشریات مشتاق منہاس ویڈیو کانفرنس اچ شریک تھئے ۔ وزیراعظم دی معاون خصوصی اطلاعات ونشریات ڈاکٹرفردوس عاشق اعوان آکھیے جو ویڈیو کانفرنس دا مقصد وفاقی اتے صوبائی سطح تے سارے اقدام دے حوالے نال رل بہہ تے لائحہ عملکوں اگوںودھدیندے ہوئیں عمل درآمد کیتے قابل عمل پلان ترتیب ڈیونڑ اے جیںدے ثمرات تلویں سطح تے پج سگن ۔انہاں آکھیے جو وزیراعظم عمران خان ولوں بنڑائی گی قومی رابطہ کمیٹی دے ہر اجلاس اچ پہلی ترجیح کرونا وائرس توں بچنڑ کیتے قومی حکمت عملی ، کھنڈنڑ کوں روکنڑ ،حفاظتی انتظامات تے صوبائی حکومتاں دے مشورے نال قومی ایکشن پلان تے عمل درآمد کراونڑاں اے۔