اسلام آباد۔17اکتوبر (اے پی پی)وفاقی وزیراطلاعات تے نشریات سینیٹرشبلی فرازآکھیا جو پاکستان دی عوام کہیں دے ذاتی ایجنڈے سانگے باہرکائنا نکلسن،اداریاں تے گالھ کر تے پاکستان دا نقصان کرنڑ دا کھیڈ کھیڈیا ویندے پئے،دشمناں دی زبان استعمال کرنڑ دی موکل کائنا ڈیسوں،اساں اداریاں دے نال ہیسے اتے کوئی ایجھی گالھ کائنا برداشت کیتی ویسی جیڑھی جو ملک اتے جیڑھے ایں ملک سانگے کھڑن کوں نقصان پجاوے،کل انہاں دا پہلا شو ای فلاپ تھی گئے ،انہاں دا کوئی مستقبل کائنی،ہک مہینے دی تیاریاں دا انجام فلا شو دی صورت نکتے۔ہفتے کوں اتھاں کنونشن سینٹراچ وفاقی وزیرسائنس وٹیکنالوجی فواد چوہدری دے رلے میڈیا نال گالھ مہاڑ کریندیں ہوئیں وفاقی وزیراطلاعات ونشریات سینیٹرشبلی فراز آکھیا جو گوجرانوالہ، جیڑھا جو نواز شریف دا سوہرا اتے مریم نواز دانانکا اے،اپوزیشن دے جلسے بارے جیڑھی سردمہری ڈکھائی اے ایں نال اپوزیشن کوں سمجھ ونجڑاں چاہیدے جو ذاتی ایجنڈے سانگے کوئی باہر کائنا نکلسی۔وزیراطلاعات آکھیا جو جیڑھا چیلنج انہاں ڈتا ہئی اوندے مطابق پرویز رشید، راناثناءاللہ اتے خرم دستگیرکوںاستعفی ڈیونڑاں چاہیدے،انہاں دا دسمبر کل رات توں شروع تھی گئے۔انہاں آکھیا جو کل اپوزیشن دے لیڈراں خصوصی طور بلاول زرداری اتے خواجہ آصف گھٹیا زبان الائی اے۔انہاں آکھیا جو جنہاں چالہیں سالیں اچ عوام سانگے کجھ نی کیتا ہنڑ کیا کریسن۔انہاں آکھیا جو پاکستان دی عوام کہیں دے ذاتی ایجنڈے سانگے باہرکائنا نکلسن،اداریاں تے گالھ کر تے پاکستان دا نقصان کرنڑ دا کھیڈ کھیڈیا ویندے پئے،دشمناں دی زبان استعمال کرنڑ دی موکل کائنا ڈیسوں۔
پاکستان دی عوام کہیں دے ذاتی ایجنڈے سانگے باہرکائنا نکلسن،سینیٹرشبلی فراز
مضمون کا ماخذ : مصری ڈریمز ڈیلکس
متعلقہ مضامین
