سرگودھا۔14اپریل (اے پی پی):وزیر اعظم عمران خان ٻدھ کوں نیا پاکستان ہائوسنگ پروگرام دے تحت 1 ہزار 175 گھراں دی تعمیر دے منصوبے دا سنگ بنیاد رکھ ݙتے، سرگودھا اچ 6 جہیں تے ترائے مرلہ تے گھٹ لاگت دے گھر تعمیر تھیسن ،حکومت پنجاب ایں منصوبے کیتے زمین تے ٻیاں سہولتاں ݙیسی ۔ منصوبے تے کم فرنٹئر ورکس آرگنائزیشن(ایف ڈبلیو او) اتے نیشنل لاجسٹک سیل مشترکہ طور تے کریسن ۔پنجاب بینک ایں منصوبے کیتے مستحق لوکاں کوں مورگیج دیاں سہولتاں ݙیسی جیڑھے ایندی قسط ݙے سڳسن ۔نیا پاکستان ہائوسنگ اتھارٹی منصوبے دے تحت بݨ ونڄݨ آلے گھر قرعہ اندازی دے ذریعے مستحق لوکاں اچ ونڈیسی ۔ منصوبے کیتے حکومت کوں 33 ہزار 528 درخواستاں ملیاں ۔سرگودھا اچ منصوبے دی تختی دی گھنڈ کھلائی دے موقع تے وزیر اعلی پنجاب عثمان بزدار وی انہاں دے رلے ہن ۔
مضمون کا ماخذ : پرامڈ ادا کرتا ہے۔
