اسلام آباد۔12اپریل (اے پی پی):وفاقی وزیر منصوبہ بندی و ترقی اسد عمر آکھیے جو مردم شماری دے بنیادی فریم ورک تے 6 توں 8 ہفتے اچ مکمل تھی ویسی اتے ستمبر یا اکتوبر اچ نویں مردم شماری دا عمل شروع تھی ویسی ، نویں مردم شماری دا عمل مارچ 2023تئیں پورا کرڳھدا ویسی ، مردم شماری الیکشن دی بنیاد بݨدی اے اتے 2023 الیکشن نویں مردم شماری دے مطابق نہ تھیا تاں چھوٹے صوبیں دی نمائندگی گھٹ تھی ویسی ۔مشترکہ مفادات کونسل دے اجلاس دے بعد اسلام آباد اچ پریس کانفرنس کریندے ہوئیں اسد عمر آکھیے جو مردم شماری دے حوالے نال کابینہ دی کمیٹی وی بݨا ݙتی ڳئی اے انہاں ایں حوالے نال اپݨی سفارشات وی مرتب کیتیاں۔انہاں آکھیے جو مردم شماری الیکشن دی بنیاد بݨدی اے تازہ ترین حلقہ بندیاں دی بنیاد تے حلقہ بندیاں کیتیاں ویندن تے ایندی بنیاد تے الیکشن کرائے ویندن جݙاں جو 2018 دے الیکشن کوں خاص آئینی ترمیم دے ذریعے خصوصی استثنیٰ ݙتا ڳیا ہئی ۔ انہاں آکھیے جو ضمنی انتخابات پراݨی حلقہ بندیاں تے مردم شماری توں تھی سڳدن لیکن مقامی حکومتاں دے انتخابات نویں مردم شماری دی بنیاد تے تھیسن اتے ایندے اچ عدلیہ دی وی ودھ دلچسپی اے ۔
نویں مردم شماری دا عمل مارچ 2023تئیں مکمل کرڳھدا ویسی ، ،وفاقی وزیر اسد عمر دی پریس کانفرنس
مضمون کا ماخذ : لیپریچون کی خوش قسمتی۔
متعلقہ مضامین
