برلن۔12اپریل (اے پی پی):پاکستان اتے جرمن وچال وفد دی سطح تے مذاکرات سنوار کوں وزرات خارجہ برلن اچ منعقد تھئے۔پاکستانی وفد دی قیادت وزیر خارجہ مخدوم شاہ محمود قریشی جݙاں جو جرمن وفد دی قیادت جرمنی دے وزیر خارجہ ہائیکو ماس کریندے پئے ہن ۔مذاکرات اچ ݙو پاسے تعلقات، تجارت، سرمایہ کاری، صحت، سیکورٹی ،دفاع، تعلیم ،سیاحت سمیت کثیر الجہتی شعبہ جات اچ ݙو پاسے تعاون ودھاوݨ دے حوالے نال تفصیلی ڳالھ مہاڑ تھئی ۔وزیر خارجہ مخدوم شاہ محمود قریشی آکھیے جو پاکستان، جرمنی دے نال آپݨے ݙو طرفہ سیاسی، سفارتی و اقتصادی تعلقات کوں مزید مستحکم بݨاوݨ کیتے پرعزم اے۔انہاں آکھیے جو پاکستان اتے جرمنی وچال گھاٹے تاریخی ݙو طرفہ مراسم ہن۔ شاہ محمود قریشی آکھیے جو پاکستان اپݨی جغرافیائی سیاسی ترجیحات کوں جغرافیائی معاشی ترجیحات اچ بدال ݙتے جرمنی دنیا دی ہک اہم اقتصادی اتے سیاسی قوت اے ۔پاکستان اتے جرمنی وچال ݙوپاسے تجارت و اقتصادی تعاون ودھاوݨ دے ٻہوں سارے موقع موجود ہن ۔ شاہ محمود قریشی آکھیا جوپاکستان، 22 کروڑ آبادی تے مشتمل ھک ابھردی ہوئی مارکیٹ اے جتھاں تجارت اتے سرمایہ کاری دے ودھ سارے موقع موجود ہن ،اساݙی حکومت ٻاہرلے سرمایہ کاراں اتے سیاحواں ای ویزہ سودھے ٻہوں ساریاں سہولتاں ݙیندے پئن۔
پاکستان اتے جرمن وزیر خارجہ وچال وفد دی سطح تے مذاکرات، پاکستانی وفد دی قیادت وزیر خارجہ مخدوم شاہ محمود قریشی کیتی
مضمون کا ماخذ : راکی
متعلقہ مضامین
