ماسکو ۔ 10 ستمبر (اے پی پی) وزیر خارجہ شاہ محمود قریشی آکھیے جو غربت مکاونڑ کیتے اسلام آباداچ سنٹر آف ایکسلینس بنڑاونڑ کیتے ایس سی اودے رکن ملکاں جوائنٹ ورکنگ گروپ بنڑاونڑ تے اتفاق کیتے، ایں سانگے تجویز پاکستان ڈتی ہئی جیکوں سارے ملکاںسراہے۔اے گالھ انہاں ماسکو اچ شنگھائی تعاون تنظیم دی وزراءخارجہ کونسل دے اجلاس توں بعد ہک ویڈیو سنیہے اچ ڈسائی اے۔ انہاں آکھیے جو ی آر آئی اتے سی پیک بارے سارے رکن ممالک متفق ہن ما سوائے بھارت دے،ست وزراءخارجہ دا جھکاﺅ ہک پاسے اتے ہکے بھارت دا موقف انجھ ہا بھل ست رکن ممالک دے وزراءخارجہ ایندا سخت نوٹس گھدے۔کانفرنس کرونا دے چیلنج نال نبڑن کیتے رکن ملکاں وچال تعاون جاری رکھنڑ تے وی اتفاق کیتے اتے نویں ویکسین گھن آونڑ تے چین دا شکریہ ادا کیتا۔رکن ملکاں اتفاق کیتے جو اقوام متحدہ دا کردار مرکزی ہوونڑا چاہیدے،جیکر جگ اتے خطے اچ امن و استحکام دی لوڑھ اے تاں یو این او دیاں قرارداداں دی اہمیت اتے احترام لازم اے۔
غربت مکاونڑ کیتے اسلام آباداچ سنٹر آف ایکسلینس بنڑاونڑ کیتے ایس سی اودے رکن ملکاں جوائنٹ ورکنگ گروپ بنڑاونڑ تے اتفاق کیتے، وزیر خارجہ شاہ محمود قریشی داشنگھائی تعاون تنظیم دی وزراءخارجہ کونسل دے اجلاس بارے سنیہا
مضمون کا ماخذ : کڑک
متعلقہ مضامین
