اسلام آباد۔15فروری(اے پی پی)وزیراعظم عمران خان ہک واری ول واضح کیتے جو امریکا دے صرف امن کیتے ساڄھے دار ہیں جھیڑیاں اچ نال کائنی، افغانستان دی طالبان حکومت کوں منیے بغیر کوئی راہ کائنی جو اے چار کروڑ افغانیاں دے مستقبل دا سوال اے، طالبان حکومت کوں منݨ دا فیصلہ پ??کس??ان کلہے نئیں کرسڳدا، ایں سانڳے علاقائی ملکاں ن??ل صلاح مشورے کریندا پئے۔ اے ڳالھ ان??اں فرانسیسی اخبار لی فگارو کوں انٹرویو اچ آکھی۔ وزیراعظم عمران خان آکھیا جو پ??کس??ان اڄ معاشی طور تے اپݨے پیریں تے کھڑا تھیوݨ دی کوشش اچ اے، اساں نہ چاہسوں جو ڄڳ اچ کلہے تھیووں، ایں سانڳے ضروری اے جو ساݙے ڄڳ نال تعلقات چنڳے ہوون۔ ان??اں آکھیا جو ایندے تے پورا ڄڳ متفق اے جو افغانستان اچ ہک جامع حکومت ہووݨی چاہیدی اے، افغانستان اچ جتنا ودھ استحکام ہوسی عالمی دہشتگرداں دے ودھݨ دا امکان اتنا ہی ڳھٹسی، اتھاں تریمتیں اتے انسانی حقوق دا تحفظ وی اہم اے جیندے کیتے طالبان پاسداری دا وعدہ کیتے، افغان عوام کو?? کوئی مجبور نئیں کرسڳدا، ہک حد تئیں بیرونی دبائو ہی کہیں حکومت کوں دبائو پا سڳدے، افغانستان اچ تریمتی?? کوں مغرب ڄھیں آزادی ملݨ اوکھا اے۔ وزیراعطم آکھیا جیکر افغانستان اچ حالات وگڑدن تاں پ??کس??ان کوں ولا پناہ گزین اتے دہشتگردی کوں سنٻھالݨا پوسی اتے اےس اݙے کیتے قابل قبول کائنی۔ وزیراعظم آکھیا جو میکوں بھروسہ اے جو طالبان حکومت افغان سرزمین پ??کس??ان دے خلاف استعمال نہ تھیوݨ ݙیسن جو اے ان??اں دے اپݨے فیدے اچ اے، پورا خطہ افغانستان دے استحکام اتے امن اچ دلچسپی رکھدے جو اے اساں ہر کہیں دے مفاد اچ اے۔ پا?? امریکا سوال بارے ان??اں آکھیے جو پ??کس??ان دے امریکہ نال چنڳے تعلقات ہین، ان??اں تعلقات دی کڄھ نوعیت تے میں ہمیشہ تنقید کیتی اے، دہشتگردی اتے افغانستان اچ تھیوݨ آلی جنگ ایندے اچوں ہک ہئی جو امریکا افغانستان اچ کیوں ہے؟ میݙے خیلا اچ ایندا امریکا کوں وی پتا کائنا ہو جو ان??اں دا اصل مقصد کیا اے؟ پہلے افغانستان اچ سوویت یونین دے خلاف جنگ اچ پ??کس??ان امریکہ دا ہتھ ونݙائے، مجاہدین کوں مسلح کیتے اتے جہادی ہیرو ٻݨین جیندی اساں سی آئی اے نال رل تے تربیت کیتی ہئی۔ ول سوویت فوجاں دے ونڄݨ توں بعد افغانستان اچ امریکا آ ڳئے اتے اوہے جہادی جیویں پ??کس??انی طالبان اتے القاعدہ وی ساݙے خلاف تھی ڳین، حالانکہ ساکوں غیر جانبدار رہݨا چاہیدا ہا، ساکوں قیمتی جانی اتے مالی ضیان چاوݨا پئے، ایندے باوجود افغانستان اچ ناکامی تے پ??کس??ان کوں ݙوہ ݙتے ڳین بھل ہݨ دہشتگردی بارے ساݙا موقف ہک اے اتے امریکا نال مشترکہ مفادات ہین، امید اے امریکا کوں وی ایندا احساس تھیسی۔ افغانستان اچ فضائی نگرانی و آپریشن دی پالیسی اچ رلݨ دے ولدے اچ ان??اں آکھیا جو اے صرف طالبان حکومت دی اجازت نال ہی تھی سڳدے، اساں نہ چاہسوں جو افغانستان اچ کوئی ٻیا ڄھیڑھا ودھے، اساں صرف امن دے ساڄھے دار ہیں کہیں ن??ل ڄھیڑے دے نئیں، اے امریکا دا کم نئیں جو او پ??کس??انی لوکاں دے مفادات دا خیال کرے، اے ذمہداری ساݙی اپݨی قیادت دی اے۔
افغانستان اچ طالبان حکومت کوں منݨ دا فیصلہ پاکستان کلہے نئیں کرسڳدا، امریکا دے صرف امن کیتے ساڄھے دار ہیں، وزیراعظم عمران خان دا فرانسیسی اخبار کوں انٹرویو
مضمون کا ماخذ : Raging Rhino
متعلقہ مضامین
