مقبوضہ کشمیر اچ کرونا وباءکوں کھنڈنڑ توں روکنڑ سانگے پابندیاں ہٹاونڑ ضروری تھی گئے،80لکھ کشمیری،بھارتی ظلم توں نجات سانگے عالمی برادری ڈے ڈیکھدے پئن،امریکہ طالبان امن معاہدہ افغانستان اچ امن سانگے اہم قدم اے،، پاکستان، افغان امن عمل اچ سانجھی ذمہ واری دے تحت اپنڑاں مصالحانہ کردار،خلوص نیت نال نبھیندا رہسی
اسلام آباد ۔ یکم اپریل (اے پی پی) وزیر خارجہ مخدوم شاہ محمود قریشی آکھیا جو مقبوضہ کشمیر اچ کرونا وباءکوں کھنڈنڑ توں روکنڑ سانگے پابندیاں ہٹاونڑ ضروری تھی گئے،80لکھ کشمیری،بھارتی ظلم توں نجات سانگے عالمی برادری ڈے ڈیکھدے پئن،امریکہ طالبان امن معاہدہ افغانستان اچ امن سانگے اہم قدم اے،، پاکستان، افغان امن عمل اچ سانجھی ذمہ واری دے تحت اپنڑاں مصالحانہ کردار،خلوص نیت نال نبھیندا رہسی۔وزیرخارجہ بدھ کوں یورپی یونین دے خارجہ امور دے سربراہ جوزف بوریل نال ٹیلی فون تے گالھ مہاڑکیتی۔دفتر خارجہ دے ترجمان دے مطابق ڈوہیں رہنماﺅاں وچال کورونا عالمی وباءدے پھیلاﺅ کوں روکنڑ اتے ایں عالمی چیلنج نال نبڑنڑ بارے مختلف پہلواں تے تفصیلی گالھ مہاڑ کیتی گئی ۔ وزیر خارجہ ’ کورونا وائرس دے سبب یورپی یونین دے ممبرملکاں اچ تھیونڑ آلے جانی ضیان تے ڈکھ تے افسوس کیتا۔ وزیر خارجہ مخدوم شاہ محمود قریشی اجوکے وبائی تناظر اچ یورپی یونین دے سربراہ برائے امور خارجہ کو ںمقبوضہ جموں تے کشمیر دی تشویشناک صورتحال بارے ڈسیندیں ہوئیں آکھیا جو بھارت ولوں مقبوضہ کشمیر اچ گزریل اٹھ مہینے اچ مسلسل کرفیو جاری اے جئیں نال اتھاں دوائیں اتے خوراک دی گھٹکی تھی گئی اے۔وزیرخارجہ آکھیا جو مقبوضہ کشمیر اچ ایں وباءکوں کھنڈنڑ توںروکنڑ سانگے انہاں پابندیاں کوں ہٹاونڑ بہوں ضروری اے۔
وزیر خارجہ شاہ محمود قریشی دی یورپی یونین دے خارجہ امور دے سربراہ جوزف بوریل کوں ٹیلی فون
مضمون کا ماخذ : لاٹری کے انعامات
متعلقہ مضامین
