اسلام آباد ۔ 8 جون (اے پی پی) پاکستان بھارتی وزارت خارجہ دے 5 جون 2020ءدے گمراہ کن ریمارکس کوں مسترد کریندے ہوئیں آکھیے جو بھارت دہشت گردی کوں ریاستی پالیسی دے طور تے استعمال کریندا پئے، ریمارکس مقبوضہ جموں و کشمیر اچ بھارت دی ریاستی دہشت گردی اتے کشمیری عوام دے خلاف ایندے جاری جرائم توں بین الاقوامی توجہ ہٹاونڑ دی ناکام کوشش اے ۔ سنوار کوں ترجمان دفتر خارجہ عائشہ فاروقی آکھیے جو پاکستان، حقائق کوں پورے طور تے مسخ کرنڑ دی بنیاد تے بدنیتی تے مبنی بھارتی دعویں کوں مسترد کریندے ۔حتی کہ وزیر اعظم عمران خان دے ریمارکس کوں پورے طور تے بھن تروڑ تے پیش کیتا گئے جیرھا جو انتہائی قابل مذمت اے۔ ترجمان آکھیے جو پاکستان دہشت گردی دا خود شکار رہ گے ، جیں اچ سرحد پار توں اساڈے عوام دے خلاف تھیونڑ آلی دہشت گردی وی شامل اے ۔ دہشت گردی دی جنگ اچ اساڈے ہزاراں شہری اپنڑیاں جاناں ونجا بیٹھن جڈاں جو اساڈے ہزاراں قانون نافذ کرنڑ آلے بہادر نینگراں دہشت گردی دے خلاف جدوجہد اچ اپنڑیاں جاناں دیاں قربانیاں ڈتن ۔ دہشت گردی دی لعنت دا مقابلہ کرنڑ اچ پاکستان دیاں قربانیاں اتے شراکت کوں عالمی برادری من گھدے ۔سینئر بھارتی حکام اتے بئے مبصرین اکثر پاکستان دے حصیں کوں غیر مستحکم کرنڑ تے دہشت گردی کوں پاکستان دے خلاف ریاستی پالیسی دے طور تے استعمال کرنڑ کوں فخریہ انداز اچ پیش کریندن ۔ اج بھارت دی اقلتاں دے خلاف ہندوتوا تے مبنی دہشت گردی ، مقبوضہ کشمیر اچ ریاستی دہشت گردی ، اتے اپنڑے پڑوسیاں کوں غیر مستحکم کرنڑ کیتے دہشت گردی دا بطور آلہ دا استعمال پوری طرح بے نقاب تھی گئے ۔ ترجمان آکھیے جو اے بھارت ہی اے جیرھا جو اقوام متحدہ دی سلامتی کونسل دی تجزیاتی سپورٹ اتے پابندیاں دی نگرانی کرنڑ آلی ٹیم دی رپورٹ کوں پاکستان مخالف پروپیگنڈے کیتے استعمال کرنڑ چاہندے ، اساکوں یقین اے جو عالمی برادری بھارتی پروپیگنڈہ توں گمراہ کائناں تھیسی ۔ ترجمان آکھیے جو افغانستان اچ جاری امن عمل کیتے سہولت کار دے طور تے پاکستان دے کردار کوں بین الاقوامی شراکت داراں من گھدے۔ پاکستان ، افغان امن عمل دے شروع توں ہی عالمی برادری کوں خطے اچ شرپسنداں دے کردار بارے ڈسایا ہئی جیرھا جو افغانستان اچ امن ، استحکام اتے خوشحالی دی واپسی نی ڈیکھنڑ چاہندے تے قیام۔امن اچ پیشرفت اچ رکاوٹاں پیدا کرنڑ دا کوئی موقع ضائع نی کریندے ۔
بھارتی وزارت خارجہ دے 5 جون 2020ءدے گمراہ کن ریمارکس مقبوضہ کشمیر اچ ریاستی دہشت گردی اتے جرائم توں بین الاقوامی توجہ ہٹاونڑ دی ناکام کوشش اے ، ترجمان دفتر خارجہ
مضمون کا ماخذ : بڑا برا بھیڑیا۔
متعلقہ مضامین
