اسلام آباد ۔ 27 اگست (اے پی پی) فریضہ حج دی ادائیگی دے بعد 51 ہزار توں ودھ حاجی وطن واپس پج گن ۔ وزارت مذہبی امور دے ترجمان دے مطابق سرکاری سکیم دے 31ہزار جڈاں جو نجی سکیم دے 20 ہزار توں ودھ پی آئی اے، سعودی ایئر لائن اتے ایئر بلیو دیاں مختلف پروازاں دے ذریعے وطن واپس پج گن ۔ ترجمان دے مطابق مکتہ المکرمہ توں 26 ہزار حاجی مدینہ منورہ روانہ تھی گن جتھاں اٹھ ڈینھ رہنڑ دے بعد وطن روانہ تھیسن ۔ سرکاری سکیم دے حالی تئیں 66ہزار حاجی مکہ مکرمہ اچ موجود ہن ۔ حج دے بعد فلائٹ آپریشن ملک دے 10 شہراں اچ جاری اے ۔ حاجیاں کوں وطن واپس پجاونڑ دا کم 15ستمبر تئیں مکمل کر گھدا ویسی۔
مضمون کا ماخذ : کراچی لاٹری
