اسلام آباد ۔ 2 ستمبر (اے پی پی) وزیراعظم عمران خان آکھیے جو کاروباری سرگرمیاں دی بحالی،تاجر برادری کوں مراعات اتے کاروبار دوست سہولتاں ڈیونڑ حکومت دی ترجیح اے،کاروبارنال جڑیے نوجواناں کوں سہولیات ڈتیاں ونجن۔اے گالھ انہاں مختلف شعباں دے کامیاب کاروباری شخصیات دے وفدنال الویندے آکھی۔ایں موقع تے وفاقی وزیر اطلاعات سینٹر شبلی فراز، وزیرِ صنعت محمد حماد اظہر، مشیر تجارت عبدالرزاق داود، مشیر خزانہ ڈاکٹر عبدالحفیظ شیخ، مشیر ادارہ جاتی اصلاحات ڈاکٹر عشرت حسین ، معاون خصوصی ڈاکٹر شہباز گل، چیئرمین سرمایہ کاری بورڈ عاطف بخاری وی موجود ہن۔وفد متعلقہ شعبیاں اچ کاروباری تجربات ، حکومت دی پالیسیاں دے اثرات اتے کاروباری فضا بئی چنگی کرنڑ کیتے مختلف تجاویزڈتن۔وزیراعظم ایز آف ڈوئنگ بزنس سانگے حکومتی اقدامات ڈسائن اتے آکھیے جو کاروباری برادری کوں ودھ توں ودھ سوکھ ڈیونڑحکومت دی ترجیح اے،ایں سانگے ایز آف ڈوئنگ بزنس، آن لائن منظوریاں دے نظام ، آسان شرائط تے قرض جھیںا قدامات کیتے گین۔وزیرِ اعظم زور ڈتے جو زراعت وبئے شعبیاں اچ ٹیکنالوجی اتے جدت تے ودھ توجہ ڈتی ونجے،پاکستانی مصنوعات کوں عالمی سطح تے با اعتماد بنڑاونڑ سانگے اعلیٰ معیاراتے جدید لیبارٹریاں بنڑاونڑ تے توجہ دٹی ویندی پئی اے۔
کاروباری سرگرمیاں دی بحالی،تاجر برادری کوں مراعات اتے کاروبار دوست سہولتاں ڈیونڑ حکومت دی ترجیح اے،وزیراعظم عمران خان دی کامیاب کاروباری شخصیات نال گالھ مہاڑ
مضمون کا ماخذ : بہت سے نتائج
متعلقہ مضامین
