اسلام آباد ۔ 20 مارچ (اے پی پی) وزیراعظم دی معاون خصوصی برائے اطلاعات تے نشریات ڈاکٹر فردوس عاشق اعوان آکھیا جو وفاقی حکومت کورونا کوں کھنڈنڑ توں روکنڑ اتے عوام دے تحفظ کوں یقینی بنڑاونڑ سانگے ملازماں سانگے احکامات جاری کرڈتن ،50سال توں ودھ نزلہ،زکام دی بیماری دے ملازمین گھراں اچ بہہ کراہیں کم کریسن،ڈو ہفتیاں سانگے نادرا،پاسپورٹ اتے امیگریشن،سی ڈی اے دے ون ونڈو،دفتراں اچ بالاں سانگے ڈے کیئر سنٹر سمیت بئے ایجھے سارے شعبے بند کر ڈتے گئن،شاپنگ مال رات ڈاہ وجے بند کر ڈتے ویسن۔جمعے کوں وزیراعظم دی معاون خصوصی برائے اطلاعات تے نشریات ڈاکٹر فردوس عاشق اعوان اپنڑے ٹویٹ اچ آکھیا جو پاکستان دی عوام دا تحفظ اتے سلامتی اساڈی پہلی ترجیح اے۔15ڈینھ سانگے حکومت سارے وفاقی دفتر اتے ملازماں سانگے احکامات جاری کر ڈتن۔انہاں آکھیا جو کورونا دے خدشات پاروں 15ڈینھ سانگے ایکسائز اینڈ ٹیکسیشن، پراپرٹی دفاتر سمیت پارلرز اتے بیوٹی سیلون وی بند رہسن اتے عوام دی سہولت سانگے ریستوران،فوڈ آﺅٹ لیٹس تے ڈلیوری اتے ٹیک وے آفر دی سہولت ہوسی۔
وفاقی حکومت کورونا کوں کھنڈنڑ توں روکنڑ اتے عوام دے تحفظ کوں یقینی بنڑاونڑ سانگے ملازماں سانگے احکامات جاری کرڈتن ، ،وزیراعظم دی معاون خصوصی برائے اطلاعات تے نشریات ڈاکٹر فردوس عاشق اعوان دا ٹویٹ
مضمون کا ماخذ : منی ٹرین 2
متعلقہ مضامین
