اسلام آباد ۔ 6 مئی (اے پی پی) وزیر خارجہ مخدوم شاہ محمود قریشی نال وفاقی وزیر دفاعی پیداوار زبیدہ جلال بدھ کوں وزارت خارجہ اچ ملاقات کیتی۔ ملاقات دے دوران کورونا وبائی صورتحال اتے ایں وباءدے مضمرات نال نبڑنڑ کیتے حکومتی حکمت عملی تے بئے سانجھی دلچسپی دے امور تے تفصیلی گال مہاڑ کیتی گئی ۔ وزیر خارجہ آکھیے جو پوری دنیا کورونا وبا دی وجہ توں غیر معمولی صورت حال دا شکار اے دنیا ممکنہ عالمی معاشی بحران دے پاسے ودھدی پئی اے ،شاہ محمود قریشی آکھیا جو پاکستان جیہوجی ترقی پذیر معیشتاں دا معاملہ انتہائی تشویشناک اے۔ ملاقات دے دوران اقتصادی سفارت کاری اتے دفاعی پیداوار دے حوالے نال وی تبادلہ خیال کیتا گئے ۔ڈوہیں وزراءوزیراعظم عمران خان دے کمزور معیشتاں کوں سہارا ڈیونڑ کیتے گلوبل ڈیٹ ریلیف مطالبے دی تعریف کریندے ہوئیں اینکوں موجودہ وبائی تناظر اچ ”ناگزیر“ قرار ڈتے۔ وفاقی وزیر دفاعی پیداوار زبیدہ جلال مقبوضہ جموں و کشمیر اچ جاری بھارتی بربریت اتے بئے اہم امور کوں بین الاقوامی سطح تے اجاگر کرنڑ تے اوکھے حالات اچ بہترین خارجہ پالیسی اپناونڑ تے وزیر خارجہ کوں مبارکباد پیش کیتی۔
وزیر خارجہ مخدوم شاہ محمود قریشی نال وفاقی وزیر دفاعی پیداوار زبیدہ جلال دی ملاقات
مضمون کا ماخذ : لوٹیریا وفاقی
متعلقہ مضامین
