اسلام آباد۔1فروری (اے پی پی):وزیر خارجہ شاہ محمود قریشی آکھیے جو چین ہک واری ول پاکستان دے نال لازوال دوستی دا مظاہرہ کیتے۔کورونا دے خلاف اقدامات اچ چین پاکستان دے شانہ بشانہ رہیا۔چین پاکستان کوں پنج لکھ ویکسن تحفتاً ݙتی۔ اے ڳالھ انہاں سنوار کوں چین ولوں بھیجی ونڄݨ آلی 5 لکھ ڈوزز تے مشتمل کورونا ویکسین دی پہلی کھیپ دی نور خان ائیر بیس تے وصولی دی تقریب توں خطاب کریندے ہوئیں آکھی اے ۔ایندے توں پہلے پاکستان ایئر فورس دا خصوصی طیارہ ویکسین دی کھیپ گھن تے سنوار کوں اسلام آباد پجا ۔وزیر خارجہ شاہ محمود قریشی اتے معاون خصوصی صحت ڈاکٹر فیصل سلطان سودھے این سی او سی اتے محکمہ صحت دے حکام وی ایئرپورٹ تے موجود ہن ۔ چین دے سفیر نونگ رونگ کورونا ویکسین دی پہلی کھیپ وزیر خارجہ دے حوالے دی تقریب توں خطاب کریندے ہوئیں وزیر خارجہ آکھیے جو میکوں اے ݙسیندے ہوئیں خوشی تھیندی پئی اے جو چین اڄ ہک واری ول مثالی یاری دا ثبوت ݙتے ۔ چین دے نال ݙو پاسے تعلقات کوں ست ݙھاکے پورے تھیوݨ کوں ہن اینکوں اساں مثالی انداز وچ منیسوں ۔
