اسلام آباد۔9جون (اے پی پی):سعودی عرب مہمندڈیم دی تعمیرکیتے 901 ملین سعودی ریال( 37 ارب 41 کروڑ روپے تقریباً) دی مالی معاونت ݙیسی ۔ اے ڳالھ پاکستان اچ سعودی عرب دے سفیر نواف بن سعید المالکی وفاقی وزیر اقتصادی امورعمر ایوب خان نال ٻدھ کوں اتھاں ملاقات اچ ڳالھ مہاڑ کریندے ہوئیں آکھی اے ۔ سعودی عرب دے سفیر وفاقی وزیرکوں وزیر اعظم پاکستان دے اڄوکے کامیاب دورہ سعودی عرب بارے ݙسایا ۔انہاں وفاقی وزیرکوں ݙسایا جو سعودی ترقیاتی فنڈ مہمند ہائیڈرو پاور ڈیم کیتے 901 ملین سعودی ریال دی منظوری ݙتی اے ۔ سعودی ترقیاتی فنڈ اے مالی معاونت 25 سال دی مدت کیتے 2 فیصد دی انتہائی گھٹ شرح تے ݙیسی ۔وفاقی وزیرعمرایوب خان ملکی ترقی اتے خوشحالی دے اہم منصوبے کیتے سعودی مالی معاونت دی تعریف کیتی تے مالی اعانت کوں تکھے استعمال کرݨ دا یقین ݙیوائے ۔
مضمون کا ماخذ : پرامڈ ادا کرتا ہے۔
