اسلام آباد ۔ 20 اگست (اے پی پی) وزیراعظم دے مشیرخزانہ ومحصولات ڈاکٹرعبدالحفیظ شیخ پنشن اصلاحات اچ عالمی بینک توں تکنیکی معاونت دی درخواست کریندے ہوئیں اصلاحات دے ایجنڈے کوں جاری رکھنڑ تے ٹیکس دی بنیاد اچ وسعت تے خرچے دے بہتر نظام و انصرام دے ذریعے پبلک فنانسنگ کوں مضبوط بنڑاونڑ تے زور ڈتے ۔اے گال انہاں خمیس کوں اتھاں پاکستان اچ عالمی بینک دے نویں تعینات تھیونڑ آلے کنٹری ڈائریکٹرناجی بن حسائن نال ملاقات اچ گال مہاڑ کریندے ہوئیں آکھی اے ۔ ڈاکٹرعبدالحفیظ شیخ ناجی بن حسائن دا خیرمقدم کیتا اتے پاکستان اتے عالمی بینک وچال پکے تعلقات دی تعریف کیتی ۔انہاں عالمی بنک دے کنٹری ڈائریکٹرکوں موجودہ حکومت ولوں شروع کیتی گئی اصلاحات بارے ڈسایا تے آکھیا جو انہاں اقدامات پاروں پاکستان گزریل ڈو مالی سالاں وچ ادائیگیاں اچ توازن دے بحران تے نکل آئے تے ہنڑ معیشت کوں مستحکم بنڑاونڑ اچ مدد ملی اے ۔
وزیراعظم دے مشیرخزانہ ومحصولات ڈاکٹرعبدالحفیظ شیخ نال پاکستان اچ عالمی بینک دے نویںکنٹری ڈائریکٹر دی ملاقات
مضمون کا ماخذ : سامرائی کی خوش قسمتی۔
متعلقہ مضامین
