اسلام آباد۔6اکتوبر (اے پی پی): وزیر خارجہ مخدوم شاہ محمود قریشی آکھیے جو کنزرویٹو فرینڈز آف پاکستان،پاکستان، برطانیہ، کنزرویٹو پارٹی اتے برطانیہ اچ رہنڑ آلی پاکستانی کمیونٹی دے درمیان وسیع، مضبوط اتے تعلقات ودھاونڑ دے قیام کیتے کوشاں اے ۔بھارت آپنڑی انتہا پسندی اتے یک طرفہ، غیر آئینی اقدامات پاروں پورے خطے دے امن و امان کوں خطرے نال ڈو چار کرڈتے ۔اے گالھیں انہاں منگل کوں کنزرویٹو فرینڈز آف پاکستان دے ورچوئل اجلاس نال خطاب کریندے ہوئیں آکھی اے ۔وزیر خارجہ کنزرویٹو فرینڈز آف پاکستان دے ورچوئل اجلاس اچ بطور مہمان خصوصی شرکت کیتی ۔وزیر خارجہ آکھیا جو کنزرویٹو فرینڈز آف پاکستان، لارڈ ضمیر چوہدری دی قیادت اچ پاکستان، برطانیہ، کنزرویٹو پارٹی اتے برطانیہ اچ رہنڑ آلی پاکستانی کمیونٹی دے درمیان وسیع، مضبوط تعلقات دے قیام کیتے کوشاں اے ۔ برطانیہ اچ لکھاں پاکستانی نژاد برطانوی شہریاں دی موجودگی، پاکستان اتے برطانیہ دے درمیان ڈو طرفہ تعلقات دے استحکام دا مظہر اے۔انہواں آکھیے جو ترقی پذیر ملکاں کیتے کورونا دے معاشی مضمرات نال نبڑنڑ بہوں اوکھا امر اے ۔پاکستان، محدود معاشی وسائل دے باوجود، سمارٹ لاک ڈاون دی پالیسی کوں اپنا تے ، کورونا وبا کے کھنڈنڑ کوں کافی حد تئیں گھٹ کرنڑ اچ کامیاب تھی ا۔پاکستان ذمہ دارانہ معاشی پالیسیاں کوں اپناتے آپ دی معشیت کوں بہتر دے پاسے ٹور ڈتے ،انہاں پالیسیاں اچ باہرلی سرمایہ کاری دے حجم اچ ودھارا ، برآمدات دا ودھارا، انفارمیشن ٹیکنالوجی دا بکثرت استعمال اتے سیاحت دا ودھارا شامل ہن ۔وزیر خارجہ شرکا اجلاس کوں مقبوضہ جموں و کشمیر اچ بھارتی قابض فوج ولوں جاری انسانی حقوق دیاں سنگین خلاف ورزیاں بارے ڈسایا تے آکھیا جو بھارت آپنڑی انتہا پسندی اتے یک طرفہ، غیر آئینی اقدامات دے سبب پورے خطے دے امن کوں خطرے نال ڈو چار کرڈتے ۔اجلاس اچ برطانوی ،حکومتی وزراء، ممبران برطانوی پارلیمنٹ اتے پاکستانی کمیونٹی دی نامور شخصیات شرکت کیتی۔
کنزرویٹو فرینڈز آف پاکستان، ڈوہیں ملکاں ، برطانوی اتے پاکستانی کمیونٹی اچ تعلقات ودھاونڑ دے قیام کیتے کوشاں اے، مخدوم شاہ محمود قریشی
مضمون کا ماخذ : پشاور لاٹری
متعلقہ مضامین
