اسلام آباد ۔ 10 مئی (اے پی پی) وفاقی وزیر منصوبہ بندی ،ترقی واصلاحات وخصوصی اقدامات اسد عمرآکھیے جو لوکاں توں لمبے عرصے تئیں روزگار نئیں کھسیا ونج سگدا ، وڈے فیصلے تھی گئن ہن عمل درآمد دا مرحلہ اے ۔اے گال انہاں اتوار کوں نیشنل کمانڈ اینڈ آ پریشن سینٹر اچ میڈیا بریفنگ ڈیندے ہوئیں آکھی اے ۔انہاںآکھیے جو خوشی اے قومی فیصلے مشاورت نال تھیندے پئن ۔ وڈے فیصلے تھی چکئن ہنڑ عمل درآمد دا مرحلہ اے ۔انہاں آکھیے جو اساکوں زندگی دا پیتھا وی چلاونڑ دے نال نال جاناں دا تحفظ وی کرنڑاں اے ، اساں ساریں رل تے ہک مربوط نظام دے تحت کم کریندے پیوں ۔ اسد عمر امید ظاہر کریندے ہوئیں آکھیے جو این سی سی دے فیصلے تے قومی اتحاد نال عمل درآمد تھیسی ۔وفاقی وزیر آکھیے جو لوکاں توں لمبے عرصے تئیں روزگار کھسیا نئیں ونج سگدا جڈاں جو کمانڈ اینڈ آپریشن سینٹر مسلسل کم کریندا پئے۔ ہنڑ پورا ملک بند کرنڑ دی بجائے مخصوص علاقیں تے فوکس ہوسی تے نشاندہی کرنڑیں اے جو کیرھے علاقے اچ کیسز ودھ ہن تے وائرس کھنڈدا پئے ۔انہاں آکھیے جو گزریل ڈینھ ساڈھے 13ہزار کورونا ٹیسٹ کیتے گئن تے 70لیب ہن جتھاں کورونا ٹیسٹ کیتے ویندن ۔وفاقی وزیر آکھیے جوسمارٹ لاک ڈاوَن دے نظام کم کرنڑ شروع کرڈتے ۔
لوکاں توں لمبے عرصے تئیں روزگار نئیں کھسیا ونج سگدا ،وڈے فیصلے تھی گئن ہنڑ عمل درآمد دا مرحلہ اے ، وفاقی وزیر اسد عمر
مضمون کا ماخذ : کنگ میکر
متعلقہ مضامین
