اسلام آباد 09 جون (اے پي پي) وزيراعظم شهباز شريف وئيلي دي چې آئي اېم اېف سره د لوظنامه كېدو هيله لرؤ ٬ د ګرانۍ فشار سره مخ عام وګړي ته ريليف وركول د حكومت ذمه واري ده، د معيشت پرمختګ سياسي استحکام سره تړلے دے ٬ د كركيلې په څانګه كښې د خوشحالي بلها موقعې موجود دي، د دې خيالاتو څرګندونه ده د وفاقي كابينې غونډې ته خپله وېنا كښې وكړه۔ وزيراعظم كابينې ته وووئيل د خزانې وزير اسحاق ډار تېره ورځ د معيشت په صورتحال پرېس کنفرنس كښې د خيالاتو څرګندونه كړې ده، دا خبره د چا نه پټه نه ده چې 14 مياشتې وړاندې كله چې مونږ ذمه وارۍ پغاړه واخستې نو مونږ يو شمېر معاشي چېلنجز سره مخ ٶ٬ تېر حكومت چې آئي اېم اېف سره كومه لوظنامه كړې وه خپله ئې د ھغې خلاف ورزي كړې وه، مونږ ډېر په ګرانه آئي اېم اېف سره معاملې سمې كړې دي۔ وزيراعظم ووئيل تېر كال د ماحولياتي آدلوګۍ له امله تباهي خپرونكې سېلاب راغلې چې ورسره معيشت ته لوے زيان رسېدلے٬ د دې باوجود د سېلاب ځپليو بحالۍ او ريليف لپاره د كابينې اړوند غړو او وفاقي او صوبائي حکومتونو ډېر په بيړه شپه او ورځ كار كړے، نړيوالو ادارو څخه مرسته غوښتې شوې او وفاق او صوبو خپلو وسائلو څخه په اربونو روپۍ مصرف كړې، وفاق د سېلاب ځپليو لپاره سل اربه روپۍ جاري كړې۔ ملګرو هېوادونو زمونږ مرسته كړی٬ د سېلاب له امله مغيشت ته د 30 اربه ډالرو زيان رسېدلے٬ په يوكرائن كښې د رامخې ته صورتحال له امله په نړيواله منډۍ كښې د ضروري څيزونو بيعه زياته شوې، نړۍ كښې د کساد بازارۍ رجحان ٶ كوم څخه چې د پاكستان په څير پرمختګ كوٶنكي هېوادونو ته د اربونو ډالرو ادا كولو په صورت كښې زيان شوې٬ كه ھغه د تېلو د بيعې معامله وي يا د سرې٬ غنمو او د پومبې په هر لحاظ سره په مونږ بوج زيات شوې۔ وزيراعظم ووئيل آئي اېم اېف سره مو ناسته كړې او د ھغوي ټول شرطونه مو نه يوازې تسليم كړي بلكې مونږ په دې لړ كښې په سمدستي توګه ابتدائي اقدامات هم كړي۔ وزيراعظم ووئيل آئي اېم اېف سره په سټاف لېول اېګريمنټ تر اوسه لاسليك شوې نه دې د دې نه پس به بورډ ته دا معامله ځي ۔ وزيراعظم ووئيل اميد لرو چې ټول شرطونه د ترسره كولو نه پس به په روانه مياشت كښې آئي اېم اېف سره نائنتھ ريويو بشپړل كېدو سره بورډ څخه منظور شي٬ زما د آئي اېم اېف اېم ډي سره يو ساعت ټېلي فوني خبرې شوې دي د كومې په نتيجه كښې چې زه دا خبره كوم٬ ما دوي ته تجويز وركړې ٶ كه تاسو باور راكړۍ نو كوم دوه ضروري اقدامات چې دي ھغه به هم مونږ ترسره كړو۔ ده ووئيل ھغوي ژبه وكړه د كومې په نتيجه كښې چې مونږ ھعه اقدامات هم وكړل اوس كوم بل خنډ پاتې نه دے۔ وزيراعظم ووئيل ما چې تاسو ته كومې مسئلې رامخې ته كړې دي دې سره په وګړو د ګرانۍ زيات بوج پرېوتے دے٬دې كښئ هېڅ شك نشته چې نړۍ كښې دا مهال ډېره ګراني ده، كه ھغه امريكا ده يا برتانيه٬ هر ځائ ګراني ده خو د ھغوي معيشت دومره قوي دې چې خپل اولس ته ريليف وركولې شي خو چې كله مونږ اقتدار ترلاسه كړونو تېر حكومت معيشت تباه كړې ٶ٬ په دې څوارلس مياشتو كښې چې كومې ستونزې رامخې ته شوې ھغه بيان شوې٬ په دې مهال زمونږ باوري ملګري چين زمونږ مرسته وكړه، د تېرو دوه دريو مياشتو په مهال د چين د حكومت مرسته ډېره مرستياله ګرځېدلې ده٬ د آئي اېم اېف پحقله زمونږ دوست هېوادونو سعودي او يو اے اي زمونږ لاس مضبوط كړل٬ د آئي اېم اېف چې كوم اضافي شرطونه ٶ د ھغې له مخې سعودي دوه اربه ډالره او يو اے اي يو ارب ډالر مرسته كړې په دې مونږ د دواړو ملګرو هېوادونو مننه كوٶ۔ وزيراعظم ووئيل د بجټ په تياري كښې اېكسپورټر٬ بزنس كميونټي، د آئي ټي پوهانو پشمول د ژوند بېلو څانګو سره تعلق لرونكو سره مشاورت شوې دې، ده ووئيل مونږ په زرعي څانګه كښې زر ښې تنيجې ترلاسه كولې شؤ۔ ده ووئيل د نړۍ په بېلو هېوادونو كښې د اېكړ په سر پېداوار زمونږ نه څو چنده زيات دې٬ مونږ له به په دې لړ كښې د پېشرفت جاج اخستل وي ځكه چې مونږ په ماضي كښې كوم ډول خاص كاميابي نه ده ترلاسه كړې، غنم، ګنې، پومبه او د نورو فصلونو د اېكړ په سر پېداوار زياتولو ته اړتيا ده٬ مونږ له به په دې لړ كښې سرمايه كاري كول وي او كليوالو سيمو كښې به د زرعي تخمونو وېليو اېډډ چينز جوړول وي، د زرعي پېداوار وېليو اېډيشن كېدې شي، په زرعي څانګه كښې د اربونو ډالرو برآمداتو امكانات موجود دي۔ وزيراعظم ووئيل ګرده نړۍ كښې د معيشت پرمختګ سياسي استحكام سره تړلے دے٬ كوم هېواد كښې چې سياسي استحكام نه وي هلته معيشت تباه كېږي۔ وزيراعظم ووئيل عام وګړې معاشي فشار سره مخ دے كه د دوي په تنخا كښې ښه اضافه ونه كړې شوه نو دوي به سختو خالاتو سره مخ شي٬ دې لپاره زمونږ ذمه واري ده چې مونږ د تنخا دارې طبقې د ستونزو خيال وساتؤ ٬ دغسې د پنشنرز پنشنز هم د افراط زر له امله سخت ځپلې شوې دې٬ مونږ له به د دوي هم خيال كول وي۔ وزيراعظم ووئيل د كابينې غړو د رائې په رڼا كښې به حكومت پرېكړه كوي، د لوي څښتن په فضل و كرم د غنمو ښه فصل شوې دې، پومبه هم په لويه كچه كرلې شوې ده٬ مونږ اميد لرو چې لوي څښتن به په دې فصل كښې هم خپل كرم وكړي، نړۍ كښې د ګاز بيعه په ټېټېدو ده٬ مونږ د ګاز د نوي كنټرېكټ كولو هڅه كوٶ، د ماضي په مقابل كښې كه په ټيټه بيعه ګاز واخستې شي نو د دې اوسط بيعه ټېټېدې شي چې ورسره به په هېواد كښې اقتصادي پل تندۍ سره مخ په وړاندې لاړ شي۔
آئي اېم اېف سره د لوظنامې كېدو هيله لرؤ ٬ د ګرانۍ فشار سره مخ عام وګړي ته ريليف وركول د حكومت ذمه واري ده، د معيشت پرمختګ سياسي استحکام سره تړلے دے۔ د وزيراعظم شهباز شريف د وفاقي كابينې غونډې ته وېنا
مضمون کا ماخذ : پاور بال انعامات
متعلقہ مضامین
